Psa 151

1 ⲛⲉⲯⲁⲗⲙⲟⲥ ⲛⲇⲁⲩⲉⲓⲇ ⲡⲉⲓⲯⲁⲗⲙⲟⲥ ⲛⲧⲁⲇⲁⲩⲉⲓⲇ ⲥⲁϩϥ ⲉⲧⲥⲟⲧϥ ⲉϥⲙⲡⲃⲟⲗ ⲛⲧⲏⲡⲉⲛⲧⲉⲣⲉϥⲙⲓϣⲉ ⲙⲛ ⲅⲟⲗⲟⲁⲑ ⲛⲉ ⲁⲛⲅ ⲟⲩⲕⲟⲩⲓ ϩⲛ ⲛⲁⲥⲛⲏⲩ ⲉⲓⲥⲟⲃⲕ ϩⲙ ⲡⲏⲓ ⲙⲡⲁⲉⲓⲱⲧ ⲉⲓⲙⲥⲟⲛⲉ ⲛⲛⲉⲥⲟⲟⲩ ⲙⲡⲁⲉⲓⲱⲧ 2 ⲛⲁϭⲓϫ ⲁⲩⲧⲁⲙⲓⲟ ⲛⲟⲩⲟⲣⲅⲁⲛⲟⲛ ⲛⲁⲧⲏⲏⲃⲉ ⲁⲩⲧⲱϣ ⲛⲟⲩⲯⲁⲗⲧⲏⲣⲓⲟⲛ 3 ⲛⲓⲙ ⲡⲉⲧⲛⲁϫⲓⲡⲟⲩⲱ ⲙⲡϫⲟⲉⲓⲥ ⲛⲧⲟϥ ⲡⲉ ⲡϫⲟⲉⲓⲥ ⲛⲧⲟϥ ⲉⲧⲥⲱⲧⲙ 4 ⲛⲧⲟϥ ⲡⲉⲛⲧⲁϥⲧⲛⲛⲟⲟⲩ ⲙⲡⲉϥⲁⲅⲅⲉⲗⲟⲥ ⲁϥϥⲓⲧ ϩⲛ ⲛⲉⲥⲟⲟⲩ ⲙⲡⲁⲉⲓⲱⲧ ⲁϥⲧⲁϩⲥⲧ ⲙⲡⲛⲉϩ ⲙⲡⲉϥⲧⲱϩⲥ 5 ⲛⲁⲥⲛⲏⲩ ⲛⲉ ϩⲉⲛⲛⲟϭ ⲛⲉ ⲉⲛⲉⲥⲱⲟⲩ ⲁⲩⲱ ⲙⲡⲉⲡϫⲟⲉⲓⲥ ⲟⲩⲁϣⲟⲩ 6 ⲁⲓⲉⲓ ⲉⲃⲟⲗ ⲉⲧⲱⲙⲛⲧ ⲉⲡⲁⲗⲗⲟⲫⲩⲗⲟⲥ ⲁⲩⲱ ⲁϥⲥⲁϩⲟⲩ ⲙⲙⲟⲓ ϩⲛ ⲛⲉϥⲉⲓⲇⲱⲗⲟⲛ 7 ⲁⲛⲟⲕ ⲇⲉ ⲁⲓⲧⲉⲕⲙⲧⲉϥⲥⲏϥⲉ ⲛⲧⲟⲟⲧϥ ⲁⲓϥⲓ ⲛⲧⲉϥⲁⲡⲉ ⲁⲩⲱ ⲁⲓϥⲓ ⲛⲟⲩⲛⲟϭⲛⲉϭ ⲉⲃⲟⲗ ϩⲛ ⲛϣⲏⲣⲉ ⲙⲡⲓⲥⲣⲁⲏⲗ ⲡϫⲱⲱⲙⲉ ⲛⲛⲉⲯⲁⲗⲙⲟⲥ